TGFUda “Islohotlar bilimdoni” ilmiy-ma’rifiy ko‘rik-tanlovi bo‘lib o‘tdi

Toshkent gumanitar fanlar universitetida “Islohotlar bilimdoni” ilmiy-ma’rifiy ko‘rik-tanlovining birinchi va ikkinchi bosqichlari doirasida saralash jarayonlari bo‘lib o‘tdi.

Tanlovdan ko‘zlangan asosiy maqsad — mamlakatimizda amalga oshirilayotgan islohotlarning mazmun-mohiyatini keng targ‘ib qilish, ishtirokchilarning siyosiy-huquqiy bilimlari va dunyoqarashini oshirish hamda ularning intellektual salohiyatini rivojlantirishdan iborat.

Tanlov jarayonida ishtirokchilarning bilim va salohiyati belgilangan mezonlar asosida baholandi.

Mazkur ko‘rik-tanlov yoshlarning bilimini mustahkamlash, mamlakatimizda amalga oshirilayotgan islohotlarga daxldorlik hissini oshirish va faol fuqarolik pozitsiyasini shakllantirishga xizmat qiladi.