Tadbirlar

TOSHKENT GUMANITAR FANLAR UNIVERSITETIDA MA’NAVIY-MA’RIFIY MULOQOT.

✅ Bugun universitetimizning Talabalar turar joyida "Aniq va gumanitar fanlar" kafedrasi professori IBROXIM XABIBULLAYEV ishtirokida talabalar bilan samimiy “DAVRA SUHBATI” tashkil etildi. Suhbat davomida professor talabalar turar joyidagi mavjud shart-sharoitlar bilan yaqindan tanishdi va yoshlar bilan hudud tarixi haqida qiziqarli muloqot qildi.

✅ Tadbirning eng qiziqarli qismi Zangiota qishlog‘i nomi va bu ulug‘ zotning shaxsi haqida bo‘ldi. Professor Ibroxim Xabibullayev talabalarga quyidagi muhim ma’lumotlarni yetkazdi:

✅ Zangiota aslida kim? Ustoz o‘z ma’ruzasida Zangiota (asl ismi Oyxo‘ja ibn Tohurxo‘ja) oddiy inson emas, balki o‘z davrining yetuk olimi, ma’naviyat peshvosi va tasavvuf ilmining yirik namoyandasi bo‘lganliklarini ta’kidladi.

✅ Nimalarga aniqlik kiritildi? Suhbat davomida bu ulug‘ zot haqidagi noto‘g‘ri tushunchalar, ya’ni u kishini faqat afsonaviy personaj yoki shunchaki cho‘pon sifatida bilish noto‘g‘ri ekanligi, aksincha, u kishi Ahmad Yassaviy tariqatining davomchisi va xalq orasida yuksak hurmatga sazovor bo‘lgan ma’rifatparvar avliyo bo‘lganliklari tushuntirib berildi.

✅ Nima uchun bu hudud Zangiota deb nomlanadi? Ushbu qishloq aynan shu ulug‘ zot mangu qo‘nim topgan maskan va u kishining nomi bilan bog‘liq tabarruk qadamjo bo‘lganligi sababli shunday atalishi talabalarga so‘zlab berildi.

Bunday mazmunli suhbatlar talabalarning o‘zi yashab turgan hudud tarixini chuqur o‘rganishiga va ajdodlarimiz merosiga hurmat ruhida ulg‘ayishiga xizmat qiladi.

📞 Telefon: +99878-888-66-66