Diqqat e'lon!

Bahorgi semestr fanlari bo‘yicha kontrakt to‘lovi bilan bog‘liq sabablar tufayli yakuniy nazoratlarda ishtirok eta olmagan talabalardan 2026-yil 10-iyunga qadar kontrakt to‘lovlarini amalga oshirib, universitetga kelgan holda yakuniy nazoratlarni topshirishlari so‘raladi.

TOSHKENT GUMANITAR
FANLAR UNIVERSITETI

TASHKENT HUMANITIES SCIENCES UNIVERSITY

2026/2027 YILLAR UCHUN
QABUL BOSHLANDI!

Ro'yxatdan o'tish

Universitet haqida

Universitetning afzalliklari

Toshkent gumanitar fanlar universitetida har bir talaba o‘zi qiziqqan yo‘nalishi bo‘yicha ta’lim olishi imkoniyatiga ega. Ushbu sohalarda ta’lim olish asnosida yetuk kadr bo‘lib, o‘z sohasining mutaxassisi bo‘lishlari maqsadini ko‘zlaganmiz. Ta’lim yo‘nalishlari soni 20 dan ortiq.

Toshkent gumanitar fanlar universiteti “Kelajakka qadam” dasturi doirasida uchrashuv bo‘lib o‘tdi. Tadbirda “O‘zmilliybank” AJ vakillari ishtirok etib, talabalarning bandligini ta’minlash, mehnat bozoriga tayyorlash va yoshlarning tadbirkorlik tashabbuslarini qo‘llab-quvvatlash borasida ma’lumotlar berishdi.

Shuningdek bitiruvchilarga dastur orqali taqdim etilayotgan imtiyozli kreditlar va o‘z biznes g‘oyasini amalga oshirish imkoniyatlari haqida batafsil tushuntirildi.

Batafsil

Universitetning afzalliklari

Toshkent gumanitar fanlar universiteti ta’lim va tadqiqot konsepsiyalarini qo‘llab-quvvatlaydigan va uyg‘unlashtirgan oliy ta’lim muassasasidir. Ta’lim berish sifati uning barcha jabhalarida namoyon bo‘ladi. Universitet a’lo darajada bilim beradigan va ijtimoiy ta’sirga ega nufuzli xalqaro universitet bo‘lishni o‘z oldiga maqsad qilib qo‘ygan.

Xalqaro diplom

Siz nafaqat respublikamizda, balki xalqaro miqyosda ham tan olinadigan diplom egasi bo‘lasiz. TGFU diplomi bilan dunyoning xohlagan mamlakatidagi oliy o‘quv yurtlariga magistratura yoki doktoranturaga o‘qishga, shuningdek, xalqaro kompaniyalarga ishga hujjat topshirishingiz mumkin.

Sifatli ta'lim

Tasdiqlangan malaka talablari asosida dars mashg‘ulotlari tashkil etiladi. O‘tiladigan darslar jahon va milliy ta’lim standartlariga, shuningdek, O‘zbekiston Respublikasi Oliy ta’lim, fan va innovatsiyalar vazirligi hamda Ta’lim sifatini nazorat qilish inspeksiyasining me’yor va talablariga mos keladi.

Innovatsion ta'lim

Ta’limning mazmun-mohiyati o‘quvchilarga sifatli bilim berishdan tashqari, ularning qobiliyatlarini ham rivojlantirishdan iboratdir. Shu sababli dars jarayonlarida innovatsiyalar va interfaol o‘qitish usullaridan foydalanishga alohida e’tibor qaratiladi.

Amaliyot va tajriba

Dars mashg‘ulotlari amaliyot bilan uyg‘un tarzda olib boriladi. Talabalar hamkor tashkilot va korxonalarda amaliyot o‘taydilar, universitet+korxona loyihalarida ishtirok etadilar va amaliy ko‘nikmalarni shakllantiradilar.

Xalqaro hamkorlik

Jahonning 20 dan ortiq davlatlaridagi 50 ga yaqin ta’lim muassasalari va korxonalari bilan talabalarni o‘qitish, malaka oshirish, tadqiqotlar olib borish va madaniy almashinuvlar bo‘yicha hamkorlik qilib kelinmoqda.

Ko‘plab yo‘nalishlar

Universitetimizda 30 ga yaqin bakalavr hamda magistratura yo‘nalishlari mavjud. Ingliz, rus, xitoy, koreys, arab va fransuz tillari kabi ko‘plab xorijiy tillar o‘qitiladi.

Grant va stipendiyalar

To‘lov-shartnoma miqdorlari hamyonbop, shuningdek, turli stipendiya va grantlar ham mavjud. Universitetimizda o‘zingizga qulay narxlarda sifatli ta’lim olishingiz mumkin. Toshkent gumanitar fanlar universiteti Ta’limni rivojlantirish fondi har yili yuzlab talabalarga grantlar ajratadi. Bundan tashqari, faol va iqtidorli talabalar uchun bir martalik pul mukofotlari ham beriladi.

Ajoyib o‘quv muhiti

Talabalarning yuqori sifatli bilim olishlari uchun zamonaviy o‘quv muhiti yaratilgan. Professor-o‘qituvchilarimiz chuqur bilim va boy tajribaga ega. Talabalar guruh muhokamalari, kasbiy amaliyotlar va mutaxassislar tomonidan o‘tkaziladigan ma’ruzalar orqali amaliy bilimlarga ega bo‘ladilar. Shuningdek, yozuvchi-shoirlar va davlat arboblari bilan uchrashuvlar tashkil etiladi.

Qulay joylashuv

Respublikamizning 3 ta hududida – Qoraqalpog‘iston Respublikasi To‘rtko‘l tumanida, Toshkent va Samarqand shaharlarida o‘quv kampuslarimiz mavjud. Siz o‘zingizga yaqin kampusimizni tanlab, hujjat topshirishingiz va ta’lim olishingiz mumkin. Kampuslar yaqinida supermarketlar, banklar, oshxonalar va boshqa maishiy xizmat ko‘rsatish obyektlari mavjud.

Zamonaviy yotoqxona

Toshkent gumanitar fanlar universitetining har bir kampusi o‘zining zamonaviy yotoqxonasiga ega. To‘rtko‘l kampusida 220 o‘rinli, Toshkent kampusida esa 500 o‘rinli yangi yotoqxona mavjud. Har bir qavatda oshxona, yuvinish va kiyim yuvish xonalari tashkil etilgan. Yotoqxona zamonaviy maishiy texnikalar bilan jihozlangan.

Talabalar rivoji

Talabalarning har tomonlama rivojlanishlari uchun barcha imkoniyat va sharoitlar yaratilgan. Turli madaniy-ma’rifiy, ijtimoiy va sport tadbirlari orqali ularda yaratuvchanlik, rahbarlik, yetakchilik va jamoatchilik bilan ishlash ko‘nikmalari shakllantiriladi. Faol talabalar universitet tomonidan doimiy ravishda qo‘llab-quvvatlanadi va rag‘batlantiriladi.

Ish bilan ta’minlash

Bitiruvchilarimiz orasida ish bilan bandlik darajasi juda yuqori bo‘lib, 95–97 foizni tashkil etadi. Universitetimiz mahalliy va xorijiy tashkilotlar, kompaniyalar bilan hamkorlik qilib, talabalarni amaliyot o‘tashlari va ish bilan ta’minlashga qaratilgan “universitet+korxona” dasturlarini amalga oshirib kelmoqda.

Doktorantlarimiz

Qo'llanmalar

Podkastlar

Hamkorlar