Xalqaro aloqalar

Tashrifning navbatdagi bosqichida delegatsiyamiz a’zolari Konya shahridagi nufuzli Necmettin Erbakan universiteti faoliyati bilan yaqindan tanishdilar.

✅Universitet tarixi va salohiyati

Asosi 2010-yilda qo‘yilgan va 2012-yilda Turkiyaning sobiq bosh vaziri sharafiga Necmettin Erbakan universiteti deb nomlangan ushbu ta’lim muassasasi bugungi kunda mamlakatning eng shiddat bilan rivojlanayotgan oliy ta’lim maskanlaridan biri hisoblanadi. 

Hozirda universitetda 40 000 dan ortiq talaba tahsil olmoqda va malakali xodimlar faoliyat yuritmoqda.

✅Keng qamrovli ta’lim infratuzilmasi

Universitet o‘zining ulkan tarkibiy tuzilmasi bilan delegatsiyamizda katta taassurot qoldirdi. 

Bugungi kunda oliygoh tarkibida:

20 ta fakultet 4 ta institut (magistratura va doktorantura) 8 ta kasb-hunar maktabi 1 ta konservatoriya faoliyat ko‘rsatmoqda.

Ayniqsa, universitetning tibbiyot, pedagogika, ilohiyot va muhandislik yo‘nalishlaridagi boy tajribasi hamda zamonaviy kampuslar va innovatsion laboratoriyalari alohida e’tirofga loyiq.

✅Ilmiy hamkorlik va yangi imkoniyatlar

Tashrif davomida delegatsiya a’zolari universitetning ilmiy-tadqiqot markazlarida bo‘lib, u yerda amalga oshirilayotgan innovatsion loyihalar bilan tanishdilar. Ikki oliy ta’lim muassasasi o‘rtasida imzolangan hujjatlar kelgusida aynan shu kabi zamonaviy yo‘nalishlarda birgalikda tadqiqotlar olib borish va tajriba almashish uchun keng eshiklarni ochadi.