Xalqaro aloqalar

XALQARO HAMKORLIK: TGFU DELEGATSIYASI TURKIYANING NUFUZLI SELJUK UNIVERSITETIDA

✅Toshkent gumanitar fanlar universiteti delegatsiyasi xalqaro aloqalarni mustahkamlash va oliy ta’lim sifatini oshirish maqsadida Turkiya Respublikasining Konya shahrida joylashgan nufuzli Seljuk universiteti Selçuk Üniversitesiga tashrif buyurdi.

✅Mazkur tashrif doirasida ikki oliy ta’lim muassasasi rahbariyati va mas’ul vakillari ishtirokida rasmiy muzokaralar bo‘lib o‘tdi. Uchrashuvda tomonlar ta’lim sohasidagi istiqbolli loyihalar va o‘zaro manfaatli hamkorlik yo‘nalishlarini atroflicha muhokama qildilar.

🔴🔴🔴Muzokaralar davomida quyidagi muhim masalalarda kelishuvlarga erishildi:

✅Akademik almashinuv: Talabalar va professor-o‘qituvchilarning o‘zaro tajriba almashish dasturlarini yo‘lga qo‘yish;

✅Qo‘shma ilmiy loyihalar: Ikki universitet olimlari ishtirokida xalqaro ilmiy konferensiyalar va tadqiqot ishlarini tashkil etish;

✅Malaka oshirish: TGFU o‘qituvchilarining Turkiyaning ilg‘or ta’lim metodikalari asosida malakasini oshirish tizimini joriy etish.

✅Seljuk universiteti Turkiyadagi eng qadimiy va nufuzli oliygohlardan biri bo‘lib, ushbu hamkorlik Toshkent gumanitar fanlar universiteti talabalari uchun jahon standartlariga mos ta’lim olish va xalqaro tajriba orttirishda yangi ufqlar ochadi.